


D3963
། །།པཎྜི་ཏ་ཆེན་པོ་དེ་ཉིད་དང་ལོ་ཙཱ་བ་བྱམས་པའི་དཔལ་གྱིས་རྒྱང་རོ་ས་ལུའི་གཙུག་ལག་ཁང་དུ་བསྒྱུར་བའོ།།[་]@##། །རྒྱ་གར་སྐད་དུ། མཧཱ་ཡཱ་ན་ཨུ་པ་དེ་ཤ་གཱ་ཐཱ། བོད་སྐད་དུ། ཐེག་པ་ཆེན་པོའི་མན་ངག གི་ཚིགས་སུ་བཅད་པ།རྗེ་བཙུན་མི་ཕམ་མགོན་པོ་ལ་ཕྱག་འཚལ་ལོ། །རྙེད་དཀའི་དལ་འབྱོར་མྱུར་དུ་འཇིག་།འཇིག་རྟེན་ལས་འབྲས་སྡུག་བསྔལ་ཡིན། །དེ་སྤང་སྟོང་ཉིད་སྙིང་རྗེ་བསྒོམ། །བདེ་གཤེགས་བསྟན་པའི་སྙིང་པོའོ། །བདེ་འདོད་སྐྱེས་བུས་བསོད་ནམས་བསགས། །དེ་ཡང་ རང་བཞིན་མེད་པར་བསྒོམ།།རང་བཞིན་མེད་ཤེས་བསོད་ནམས་མཆོག་།དེ་ཕྱིར་བསོད་ནམས་བདེ་བའི་རྒྱུ། །བསོད་ནམས་བསགས་པས་བདེ་བ་འཐོབ། །དེ་ཕྱིར་མིས་ནི་བསོད་ནམས་བསགས། །དེ་ཡང་ཡང་དང་ཡང་དུ་བསྒྲུབ། །དི་རིང་ཉིད་ནས་འདུན་ཏེ་བསྒྲུབ། །ཆོས་ཀུན་རང་སེམས་རྣམ་ པར་སྣང་།།རང་བཞིན་འོད་གསལ་དྲི་མ་མེད། །སྟོང་ཉིད་སྙིང་རྗེ་རོ་གཅིག་ཐབས། །དེ་བསྒོམ་འབྲས་བུ་བྱང་ཆུབ་མཆོག་།སེམས་ཅན་ཀུན་གྱི་དོན་བསྒྲུབ་ཕྱིར། །བྱང་ཆུབ་མཆོག་གཉིས་སེམས་བསྐྱེད་དེ། །སྟོང་ཉིད་སྙིང་རྗེའི་སྙིང་པོ་ཅན། །བསྒོམ་བྱ་དེ་འབྲས་སྐུ་གསུམ་འཐོབ། ། བསམ་པ་རིན་ཆེན་སེམས་གཉིས་འབྲེལ། །སྦྱོར་བ་དཀའ་སྤྱད་དང་ལེན་དང་། །རྣམ་པ་ཀུན་དུ་མི་དམིགས་ཤེས། །གནོད་པས་སྐྱོ་མེད་སངས་རྒྱས་སྲས། །སྐྱེ་འགག་གནས་མེད་བྱང་ཆུབ་སེམས། །རྒྱ་ཆེན་སེམས་ཅན་དོན་ལ་མཁས། །ཚོགས་གཉིས་རྒྱུན་ཆད་མེད་པའི་ལམ། །སྟོང་ཉིད་སྙིང་རྗེའི སྙིང་པོའོ།།རྨི་ལམ་ལྟ་བུར་ཕྱི་རོལ་མིན། །སྒྱུ་མ་ལྟ་བུར་བདེན་དོན་མེད། །ནམ་མཁའ་ལྟ་བུར་མཚན་ཉིད་བྲལ། །ཆོས་ཀུན་རང་བཞིན་འོད་གསལ་ཡིན། །རང་བཞིན་འོད་གསལ་ཉིད་ལས་འདིར། །མ་སྐྱེས་སྐྱེ་བའི་རྟེན་ཅན་གྱི། །བྱང་ཆུབ་སེམས་གཉིས་རྗེས་འབྲེལ་བས། །སེམས་ཅན་ཀུན་ དོན་སྤྱད་པར་བྱ།།དམ་པ་གསུམ་གྱིས་སྡིག་ལས་བཟློག་།དྲི་མེད་གཉིས་ཀྱིས་དགེ་ཚོགས་བསྒྲུབ། །མཉམ་པར་གཞག་པས་རང་སེམས་གདུལ། །བདག་ཉིད་ཆེན་པོའི་བསྒྲུབ་པའོ། །སེམས་ནི་རྟག་པར་བྱང་ཆུབ་འདོད། །བྱ་བ་ལུས་ཅན་དོན་ལ་བརྩོན། །བདེ་སྡུག་རྨི་ལམ་འདྲར་ ཤེས་པས།།མཁས་པས་གཞན་དོན་སྒྲུབ་པར་བྱེད། །ཁྲིམས་ཀྱིས་དལ་འབྱོར་སྙིང་པོ་བླང་། །ཐོས་པས་ཚེ་ཡི་སྙིང་པོ་བླང་། །བསྒྲུབ་པས་བསྟན་པའི་སྙིང་པོ་བླང་། །དེ་ཡི་སྙིང་པོ་གཞན་དོན་ནོ། །རྩེ་གཅིག་གནས་པས་དྲན་པ་བསྟེན། །བྱང་ཆུབ་སེམས་ཀྱིས་ཚོགས་གཉིས་བསགས། ། མ་བཅོས་མཐོང་བས་མཉམ་པར་གཞག་།བསྒྲུབ་པའི་སྙིང་པོ་མདོར་བསྡུས་པའོ།

由大班智达本人和译师慈吉祥在江若萨鲁寺院翻译。


梵文为：摩诃衍那乌巴德夏伽陀。藏文为：大乘教诫偈颂。
顶礼至尊弥勒怙主。
难得暇满速毁灭，世间业果皆痛苦，为断彼故修空悲，善逝教法之精要。
欲乐之人积福德，彼亦观修无自性，知无自性福德胜，是故福德乐之因。
积聚福德得安乐，是故人当积福德，彼亦一再而修习，从今日起即精进。
诸法唯是自心现，自性光明无垢染，空性大悲一味法，修此果得胜菩提。
为成就一切众生利，发起殊胜二菩提心，具足空性大悲要，修此果得三身果。
意乐珍贵二心合，加行难行皆接受，于一切相无所执，无厌菩萨佛子行。
无生灭住菩提心，善巧广大利众生，二资粮道无间断，空性大悲之精要。
如梦非是外境现，如幻无有真实义，如空离诸相状性，诸法自性即光明。
从此光明自性中，未生而生为所依，菩提二心相随行，当行一切众生利。
三种殊胜断恶业，二种无垢集善行，等持调伏自心意，此乃大士之修行。
心常欲求菩提果，行为精进利有情，知苦乐如梦幻已，智者即行利他事。
以戒摄取暇满要，以闻摄取此生要，以修摄取教法要，彼之精要利他事。
专一安住依正念，菩提心积二资粮，无作而见等持住，此为修行之精要。

།གང་གིས་སྐྱེ་དང་གནས་མཐོང་བ། །རྨི་ལམ་མར་མེ་དག་དང་མཚུངས། །འགྲོ་བ་བརྫུན་པའི་འཁྲུལ་འཁོར་གྱིས། །རིགས་ལྡན་སྐྱེས་བུ་རྟག་ཏུ་བསླུས། །འདུ་བྱེད་གར་མཁན་ལྟ་བུ་སྟེ། །དེ་ཡི་རང བཞིན་ནམ་མཁའ་འདྲ།།མཁས་པས་དོན་ཀུན་བསྒྲུབ་འདོད་པས། །བདེན་གཉིས་མཚན་ཉིད་རྟོགས་པར་བྱོས། །བྱ་བྱེད་ཕྲ་མེན་རྫུ་འཕྲུལ་འདྲ། །འཆི་བདག་རི་གཟར་ཆུ་དྲག་བཞིན། །མཛའ་སྡང་རྨི་ལམ་དགྲ་གཉེན་མཚུངས། །འཇིགས་པ་འཁོར་བའི་རྒྱ་མཚོ་ཡིན། །ཡིད་ འོང་མི་འོང་རྐྱེན་གྱིས་བསྒྲུབ།།དགེ་སྡིག་ཀུན་སློང་བསམ་པས་བསྒྲུབ། །ཐམས་ཅད་ལས་ཀྱིས་འགྲུབ་གྱུར་ཏེ། །ཀྱེ་མ་དལ་འབྱོར་དོན་ཡོད་བྱོས། །མཛའ་དང་མི་མཛའ་ཆགས་སྡང་གིས། །གཏན་སྡུག་སྡིག་པ་འཕེལ་འགྱུར་ན། །ཐམས་ཅད་སླུ་བའི་ཆོས་ཅན་ལ། །ཀྱེ་མ་ཡིད་བརྟན་ སུ་ཞིག་འཆའ།།ཡིད་མཐུན་ཚོང་གྲོགས་ལྟ་བུར་འབྲལ། །མི་མཐུན་ལམ་ཁའི་ཚེར་ཤིང་བཞིན། །རང་སྲོག་བུམ་ནང་བུང་བ་འདྲ། །ཐམས་ཅད་ཤ་ལམ་གྲོག་ཚང་མཚུངས། །ལེགས་བཤད་མེ་ཏོག་ཅི་ལྟར་ཕན། །ཉེས་སྤྱད་སྦྲུལ་གདུག་སོ་ལྟར་གདུག་།ཀུན་ཀྱང་བདག་སྡུག་ མི་འདོད་ན།།དལ་བ་དོན་མེད་ཅི་ཐ་ཚིག་།ཉིན་མཚན་གློག་རྒྱུན་ལྟ་བུར་འདས། །ཚེ་སྲོག་ཆུ་བུར་ཇི་བཞིན་འགག་།བདེ་སྦྱོར་ཆུ་འགྲམ་བྱེ་མ་བཞིན། །ཀྱེ་མ་ཇི་ལྟར་བདག་འཆི་གྲང་། །འདུ་བྱེད་རྨི་ལམ་ཡུལ་འདྲ་སྟེ། །མཛའ་བཤེས་སྲང་སྡོད་ཚོང་གྲོགས་མཚུངས། །དགེ་སྡིག་ རང་ལུས་གྲིབ་མ་བཞིན།།ཅི་བྱས་མི་བཟད་ཚོར་བའི་རྒྱུ། །གཤིན་རྗེའི་ཕོ་ཉས་ཕྱི་བཞིན་གཏུགས། །གཉན་ནོར་ན་བུན་ལྟ་བུར་དེངས། །འཇིགས་ཆེན་གཡངས་སར་བདག་ལྷུང་ན། །ཀྱེ་ཧོ་བསོད་ནམས་སུ་ཞིག་སོགས། །སྲིད་གསུམ་སྡུག་བསྔལ་མེ་འོབས་འབར། །སྐྱེ་བོ་དོན་མེད་ འཆིང་བས་བཅིངས།།དེ་བས་སྙིང་བརྩེ་བརྩོན་འགྲུས་ཀྱིས། །སངས་རྒྱས་བསྟན་པ་བསྒྲུབ་པར་བྱ། །ཕུང་པོ་བདག་མེད་སྒྱུ་མ་འདྲ། །ཡིད་ནི་མེ་ལོང་གཟུགས་བཞིན་ཏེ། །སེམས་ཅན་སྒྱུ་མའི་འབྲས་དང་མཚུངས། །ཆོས་ཀུན་སྟོང་པ་ཉིད་ཤེས་བྱ། །འཁྲུལ་ཕྱིར་སྣང་བ་ཕྱི་ རོལ་མིན།།སྣ་ཚོགས་སྣང་ཕྱིར་སྣང་མིན་ཏེ། །ཤེས་བྱེད་མེད་ཕྱིར་ཤེས་ཡོད་མིན། །དེ་ཕྱིར་ཆོས་ཀུན་སྟོང་པ་ཉིད། །བརྩེ་བ་ཙམ་གྱིས་སྲིད་པར་འཕེན། །ཤེས་རབ་སྨད་པས་མྱ་ངན་འདའ། །དེ་ཕྱིར་ཕན་ཚུན་མཉམ་ལྡན་པས། །རྒྱལ་བས་བླ་མེད་ལམ་དུ་གསུངས། །ཉིན་ མཚན་སྡོད་མེད་རེས་འཇོག་འགྲོ།།ཚེ་འདི་སྣོད་མེད་རྟག་ཏུ་འབྲིད། །གཞན་དུ་འོད་ཅིར་འགྱུར་གདིང་མེད་ན། །འཆི་ཚེ་བདག་ཡིད་ཇི་ལྟར་བདེ། །གང་བསགས་བུང་བའི་རྩི་ལྟར་འདོར། །གཉན་སྡུག་སྦྲུལ་ཚང་བྱ་ཁྱུང་བཞིན། །བདག་གཅིག་ཡ་ངའི་ཐང་ལ་རྒྱུག་།ཀྱི་ཧུད་བཟོད་ དཀའི་ཚོར་བས་འཇིགས།།མི་སྡུག་གཤིན་རྗེའི་ཕོ་ཉས་བཟུང་། །ཡིད་འོང་གཉེན་དང་བཤེས་པས་སྤངས། །སྐྱབས་གཅིག་བསོད་ནམས་རྒྱང་བསྲིངས་ན། །དེ་ཚེ་གནས་སྐབས་ཅི་འདྲ་ཞིག་།དེ་རིང་ཉིད་ཀྱང་འཆི་སྲིད་ན། །ལོ་བརྒྱར་བདེ་བར་གནས་སམ་ཅི། །ནམས་ ཀྱང་མི་སྡོད་འགྲོ་འགྱུར་གྱིས།།བདག་དོན་བདག་གིས་བསྒྲུབ་པར་གྱིས། །འདི་ལ་མི་འཇིགས་སུ་ཡང་མེད། །འཇིགས་ནས་གདིང་ཐོབ་ཅིའང་མེད། །གདེང་དྲོད་དགེ་ལས་གཞན་མེད་ན། །ཅི་ཕྱིར་བདག་ཡིད་བདེ་བར་འདུག་།སྔོན་ཆད་མ་མྱོང་བདེ་སྡུག་མེད། །གང་མྱོང་དེ་ལ་སྙིང་པོ་མེད། །ཀྱེ་མ་རྨི་ ལམ་སྒྱུ་འདྲས་བསླུས།།ད་ནི་བླ་མའི་བཀའ་བསྒྲུབ་རིགས། །ཇི་ལྟ་ཇི་ལྟར་སྣ་ཚོགས་སྤྱོད་ཡུལ་གང་སྣང་བ། །རྒྱལ་སྲས་སྤྱོད་ཚེ་ཡུལ་དུས་ངོ་བོ་དེ་མེད་བསྒོམ། །དེ་ལྟ་དེ་ལྟར་མཉམ་ཉིད་འགྲོ་འོང་མེད་གནས་ནས། །སེམས་ཅན་དོན་བརྩོན་ཚོགས་གཉིས་འདུ་བྱེད་མཁས་པར་འགྱུར། །གསོན་ཚེ་རྩཝ་ རྩེའི་ཟིལ་པ་འདྲ།།ཕ་རོལ་ལ་ཡང་ཤིན་ཏུ་ཉེ། །གཅིག་པུར་གར་འགྲོ་ངེས་མེད་དེ། །ཐམས་ཅད་སླུ་བའི་ཆོས་ཅན་ཉིད། །བདག་གིས་བདག་དོན་མ་བསམས་ན། །ཉིན་མཚན་དོན་མེད་འདའ་བར་ཟད། །མི་དགེ་སྤྱད་པས་སྡུག་བསྔལ་འབྱུང་། །དེ་བས་བག་ཡོད་བརྩོན་པར་རིགས། །མ་ཐོབ་ ཐོབ་ན་དགའ་སྙམ་སེམས།།ཐོབ་ནས་ཅུང་ཟད་ཅིས་ཀྱང་སྐྱོ། །མི་སྐྱོ་ན་ཡང་ཆོག་ཤེས་མེད། །ཆོག་ཤེས་གང་མེད་དབུལ་པོ་ཡིན། །དབུལ་པོས་འབྱོར་པའི་ཆོག་མི་ཤེས། །

凡见生与住，如同梦与灯，众生虚妄轮，常令智者惑。
诸行如舞者，其性似虚空，智者欲成事，当解二谛相。
作为如幻术，死主如峭壁急流水，爱憎如梦中敌友相，轮回大海实可畏。
悦意不悦缘所成，善恶皆由心意造，一切业力所成就，呜呼闲暇当有义。
于亲非亲贪嗔故，永久罪业增长时，一切具欺诳法性，呜呼谁人可信赖。
意合如商伴当离，不合如路旁荆棘，自命如瓶中蜜蜂，一切如肉上蝇虫。
善说如花有何益，恶行如毒蛇咬噬，一切不欲自苦时，闲暇无义有何益。
昼夜如电流逝去，寿命如水泡般灭，安乐如河岸沙土，呜呼如何我将死。
诸行如梦境一般，亲友如街市商伴，善恶如自身影子，所作难忍受苦因。
阎魔使者随后至，珍宝如雾般消散，我堕大险深渊时，呜呼谁人积福德。
三界苦海火坑燃，众生无义缚所缚，是故悲悯精进力，当修佛陀圣教法。
蕴体无我如幻术，意识如镜中影像，众生如幻化果实，诸法当知皆性空。
迷乱故现非外境，种种显现非显现，无能知故无所知，是故诸法皆性空。
慈悲力故投生有，智慧力故得涅槃，是故二者相和合，佛说无上殊胜道。
昼夜无住轮番去，此生无常恒减损，他处何去无把握，临终我心何安乐。
所积如蜂蜜当舍，亲爱如蛇窝金翅，独自奔驰荒野中，呜呼难忍痛苦惧。
可厌阎魔使者执，可意亲友皆舍离，唯一福德远离时，彼时境况将如何。
今日尚且可能死，百年安乐岂可得，任何时候终须去，自利当由自己成。
于此无有不畏者，畏惧无有任何依，除善业外无依托，为何我心安乐住。
往昔未经苦乐无，所经一切无实义，呜呼如梦幻所惑，今当实修上师教。
如是如是种种行境所显现，菩萨行时境时体性皆空修，如是如是平等无来去安住，勤利众生二资善巧而成就。
生时如草尖露珠，他世亦复极临近，独自何往无定处，一切具有欺诳法。
若我不思自身利，昼夜无义空度过，造作不善生诸苦，是故当勤修正行。
未得欲得心生喜，得已稍有亦生厌，不厌亦无知足心，无知足者即贫者，贫者不知富足意。

དབུལ་པོས་འབྱོར་པའི་ཆོག་མི་ཤེས། །ཕྱུག་པོ་རྒྱལ་པོས་ཆོག་མི་ཤེས། །རྒྱལ་པོ་ལྷ་ཡི་དབང་ཕྱུག་འདོད། །དེས་ཀྱང་མི་ཆོག་བརྒྱ་སྟོང་འདོད། ། གོས་མེད་ཚེ་ན་གོས་འདོད་དེ། །གོས་ཐོབ་གོས་ཟས་མང་པོ་འདོད། །དེས་ཀྱང་མི་ཆོག་དེ་བཞིན་དུ། །རྒྱ་ཡུལ་སོགས་ཀྱི་གོས་གཞན་ཚོལ། །ནོར་མེད་ཚེ་ན་ནོར་འདོད་དེ། །གཅིག་གིས་མི་ཆོག་ཁྲི་ཕྲག་ཚོལ། །དེ་སྙེད་ན་ཡང་པ་རུ་ཤའི། །རྟ་གླང་གསེར་རི་ལ་སོགས་འདོད། །གཅིག ཐོབ་བརྒྱ་འདོད་བརྒྱ་རྙེད་ན།།སྟོང་འདོད་དེ་ཡིས་མི་ཆོག་སྟེ། །གཉིས་འགྱུར་དེ་བཞིན་གསུམ་འགྱུར་དང་། །བརྒྱ་འགྱུར་ལ་སོགས་འདོད་མེ་མཆེད། །དེ་ཕྱིར་གང་ལ་ཆོག་ཤེས་ཡོད། །དེ་ལ་ནོར་རྣམས་ཐམས་ཅད་ཡོད། །གང་ལ་དེ་མེད་ཐམས་ཅད་མེད། །ཕྱུག་པོ་དབུལ་པོའི་ཁྱད་ པར་ཅི།།དབུལ་པོ་ཅུང་ཟད་དངོས་པོས་ཕོངས། །ཅུང་ཟད་ཐོབ་ནའང་ཆེ་ཐོབ་སེམས། །ཕྱུག་པོ་ཆོག་མེད་མང་པོས་ཕོངས། །ཆེན་པོ་རྙེད་ཀྱང་ཆུང་ངུར་སེམས། །སྲིད་ལ་ཡིད་སྐྱོ་ངེས་འབྱུང་མཆོག་།བདག་འདུལ་སངས་རྒྱས་བསྟན་པའི་སྲོག་།འཆི་བདག་མི་བཟད་དགྲ་བོའི་སྡེ། །ཕ་རོལ་དོན་ ཤེས་རྙེད་པའི་མཆོག་།བག་བྱེད་ཁྲེལ་ཡོད་ཆོས་འདུལ་ཡིན། །རང་བློ་རང་སྦྱོང་ལྷག་པའི་སེམས། །ཕྱི་ནང་སྟོང་ཤེས་ཤེས་རབ་སྟེ། །འཁོར་བའི་སྡུག་བསྔལ་སྒྲོལ་བའི་གྲུ། །བསྟན་རྩ་བསླབ་པ་བསྲུང་འདོད་པས། །འབད་པས་ཀུན་གྱིས་སེམས་བསྲུང་བྱ། །བསླབ་པ་མ་བསྲུངས ལུས་དོན་ཅི།།སེམས་མ་བསྲུངས་ན་ཆོས་དོན་མེད། །རང་སེམས་རང་གིས་བསྲུང་འདོད་ན། །བསྲུང་བྲལ་མཚན་མ་མེད་བསྒོམ་བྱ། །སྤྲུལ་པ་ལྟ་བུའི་དྲན་པ་ཡིས། །ཐམས་ཅད་འབད་དེ་བསྲུང་བར་གྱིས། །བདག་གི་མཉམ་ཉིད་རང་བཞིན་ཏེ། །ཡང་དག་དོན་ཤེས་བསྲུང་བའི་མཆོག་།གང་གིས་ ལུས་སེམས་སྒྱུ་འདྲར་ནི།།གནས་ནས་ཡང་ཡང་མཉམ་གཞག་བྱ། །སྡིག་བྱས་འབྲས་བུ་རྣམ་གསུམ་སྟེ། །སྡུག་བསྔལ་ཆུ་བོའི་རྒྱུན་བཞིན་འབབ། །སྣ་ཚོགས་འཇིགས་པ་ཆར་བཞིན་ཏེ། །མི་འདོད་ཉི་སོ་གྲིབ་འདྲའོ། །ཡིད་འོང་ཐོབ་དང་དགེ་རྒྱུན་འཕེལ། །གང་དང་གར་འགྲོ་མདུན་སྟོང་དང་། །དེ་དང་ དེར་སོང་འདོད་དགུ་གསུམ།།འདི་དག་བསྡོམ་ནས་མཆོད་འོས་འབྲས། །མ་བྱོན་པའི་སངས་རྒྱས་ཆོས་རྗེ་ཤཱཀྱ་ཤྲཱིས་ཡུལ་འཁོར་སོ་སོར་བྱོན་པའི་ཚེ་ཞུ་བ་པོ་རྣམས་ཀྱི་སྐལ་བ་དང་སྦྱར་ཏེ་ཞར་བྱུང་དུ་བརྩམས་ཤིང་གསུངས་པའི་ཚིགས་སུ་བཅད་པ་ཁ་འཐོར་བ་རྣམས་རྫོགས་སོ།

穷人不知足于富有，富人国王不知足，国王想要天神的权势，即便如此也不满足想要百千。
无衣之时想要衣，得衣后想要更多衣食，即便如此仍不满足，又去寻求汉地等处的其他衣物。
无财之时想要财，一个不够又寻求万个，即便得到那么多，还想要波斯的马牛金山等物。
得一想百得百后，想要千个也不满足，想要二倍三倍乃至，百倍等贪欲之火炽燃。
因此谁有知足心，谁就拥有一切财富，谁无此心则一无所有，富人穷人有何差别？
穷人稍缺少物质，得到一点也觉得得到很多，富人不知足缺很多，得到很多也觉得很少。
厌离轮回出离为最上，调伏自心是佛教之命，死主无情敌人众，了知他利得到最上。
谨慎惭愧是佛法，自心自修是增上心，了知内外空性是智慧，是度轮回苦海之船。
欲护持教根戒律者，应当精进护持心，不持戒律身何用？不护心则法无义。
若欲自心自护持，应修离相无相法，以如幻般正念心，精进护持一切法。
我之自性即平等，了知真实义最胜，以身心如幻住，应当反复入等持。
造罪果报有三种，如水流般痛苦降，如雨般诸怖畏至，不欲如影随形至。
得可意及善增长，无论何处去千满，彼处所去如意三，此等总集堪供果。
未来佛法王释迦吉祥在各地方驻锡时，随顺请法者之根机，随缘所作所说偈颂零散者圆满。

། །།དཔལ་སའི་ ་སྟེང་ན་འགྲན་ཟླ་དང་བྲལ་བའི་མ་ཧཱ་པཎྜི་ཏ་དེ་ཉིད་དང་།

在光辉灿烂的大地之上，那位无与伦比的大班智达，


D3964

ལོ་ཙཱ་བ་བྱམས་པའི་དཔལ་གྱིས་བསྒྱུར་བའོ།།[་]@##། །རྒྱ་གར་སྐད་དུ། ཛི་ན་མཱརྒ་ཨ་བ་ཏཱ་ར། བོད་སྐད་དུ། རྒྱལ་བའི་ལམ་ལ་འཇུག་པ། བླ་མ་དང་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་ འཚལ་ལོ།།གང་ཞིག་བག་ལ་ཉལ་ནི་བག་ཆགས་བཅས་དང་བདུད་དགྲ་མ་ལུས་ཐམས་ཅད་ནི། །གཉེན་པོ་ཡང་དག་གཟུང་བའི་སྟོབས་ཀྱིས་ངེས་བཅོམ་བྱང་ཆུབ་མཆོག་ནི་རྒྱས་ལྡན་ཞིང་། །ཀུན་མཁྱེན་བདེ་གཤེགས་ཐུགས་རྗེ་བདུད་རྩིའི་རང་བཞིན་སྐྱོབ་པ་རབ་སྟོན་མངའ་བདག་པོ། ། དེ་དང་བླ་མ་མཆོག་དང་དགེ་འདུན་བཅས་ལ་གུས་པས་རྟག་པར་ཀུན་ནས་འདུད། །གཉེན་པོ་ཡོངས་སུ་གཟུང་བ་ཡིས། །མི་མཐུན་ཕྱོགས་དེ་ཀུན་སྤང་དང་། །བྱང་ཆུབ་མཆོག་ནི་རྟོགས་པ་དང་། །འགྲོ་བའི་དོན་ནི་འདོད་པ་ཡིས། །རྒྱལ་བའི་ལམ་ལ་འཇུག་པ་འདི། ། ཇི་ལྟར་ལུང་བཞིན་མདོར་བསྡུས་པས། །རང་གིས་རྟོགས་པར་བྱ་བ་དང་། །དགེ་སློང་མཁས་པ་བྱམས་དཔལ་བཟང་། །ཞེས་བྱ་ཆོས་ཀྱི་དོན་གཉེར་བ། །དེ་ཡིས་གུས་པར་བསྐུལ་བ་དང་། །རང་ཉིད་མཆོག་ཏུ་གོམས་འཕེལ་ཕྱིར། །རང་གི་ཤེས་རབ་ཀྱིས་བརྟགས་བརྗོད། །སྤྱོད་ཡུལ་མིན་ལ གོམས་བྱས་ནས།།དོན་མཆོག་རིག་པ་ལྡན་འགྱུར་ཏེ། །རྫོགས་པའི་བྱང་ཆུབ་འདོད་པ་ཡིས། །ཚོད་མ་སྦྱིན་ལའང་འབད་བཞིན་ནོ། །མདོར་ན་དལ་འབྱོར་རྙེད་དཀའ་དང་། །མི་རྟག་ཉིད་དང་སྲེད་སྡུག་བསྔལ། །ཐོག་མེད་སྲིད་པའི་སྡུག་བསྔལ་གྱི། །མཚོ་ལས་འགྲོ་བ་བསྒྲལ་འདོད་དང་། ། དཔལ་ལྡན་བླ་མའི་མཚན་ཉིད་དང་། །བྱང་སེམས་བསྐྱེད་དང་སྡོམ་པ་དང་། །སྡིག་བཅུ་འབྲས་བུ་དང་བཅས་དང་། །བག་མེད་འདོད་སྲེད་བུད་མེད་ཆང་། །བག་ལ་ཉལ་དང་དེ་བཞིན་དུ། །ཉེ་བའི་ཉོན་མོངས་དང་བདག་མེད། །རྟེན་ཅིང་འབྲེལ་འབྱུང་འཁོར་ལོ་དང་། །འཕགས་པའི་བདེན་པ བཞི་རྣམས་དང་།།དམ་ཆོས་མཉན་པ་ལ་སོགས་དང་། །ཕ་རོལ་ཕྱིན་བཅུ་རྣམས་གསུངས་པ། །འཇིག་རྟེན་པ་དང་དོན་དམ་དང་། །མི་སྡུག་རྣམ་པ་གསུམ་དང་ནི། །གཞན་ཡང་དབུགས་རྔུབ་འབྱུང་རྗེས་དྲན། །སྦྱོར་བའི་ལམ་དང་མཐོང་བའི་ལམ། །བསྒོམ་པའི་ལམ་དང་དེ་བཞིན་དུ། །ཁྱད་ པར་ལམ་ཞེས་གྲགས་པ་དང་།།ས་རྣམས་ཡོངས་སུ་སྦྱང་བ་དང་། །ཡོངས་སྨིན་སྐུ་བཞི་བརྗོད་པ་དང་། །དེ་བཞིན་དུ་ནི་སྨོན་ལམ་སྟེ། །རྒྱལ་བའི་ལམ་ལ་འཇུག་པ་འདི། །མདོ་རུ་བསྡུས་ཏེ་ཡོངས་བརྗོད་ན། །འདི་ལྟར་ལེའུ་སུམ་ཅུར་ནི། །གོ་རིམས་བཞིན་དུ་གནས་པ་ཡིན། །འདི་ནི་རྒྱལ་ བའི་ལམ་ལ་འཇུག་པ་ལས་མདོར་བསྡུས་ཀྱི་ལེའུ་ཞེས་བྱ་བ་སྟེ་དང་པོའོ།། །།མི་ཡི་དངོས་པོ་རྙེད་པར་ཤིན་ཏུ་དཀའ། །རབ་བསྔགས་སྐྱེ་བ་ཡོངས་སུ་འཛིན་པ་དང་། །རབ་བསྔགས་ཡུལ་དང་འཚེ་དང་སྐྲག་པ་མེད། །ནད་མེད་པ་དང་དབང་པོ་ཚང་གྱུར་དང་། །ལང་ཚོ་ལྡན་གྱུར་ནས་ཀྱང ཚེ་རིང་དང་།འཁོར་བའི་སྡུག་བསྔལ་ཆུ་བོར་གཡེངས་པས་འཇིགས། །དཀའ་ཚེགས་མེད་པའི་གོས་དང་བཟའ་ལ་སོགས། །སྙིང་པོ་ཡོད་མེད་དཔྱོད་ཤེས་བློ་ལྡན་དང་། །སངས་རྒྱས་བྱོན་དང་དེ་ཡིས་ཆོས་གསུངས་དང་། །ཆོས་ཐོས་འདོད་ཅིང་མངོན་པར་བརྩོན་པ་དང་། ། དཔལ་ལྡན་བླ་མ་དམ་པའི་བསྙེན་བཀུར་དང་། །ཐོས་དོན་སེམས་དང་བསྒོམ་སོགས་ཤིན་ཏུ་དཀོན། །དེ་ལྟར་སྟོན་པས་གསུངས་ཏེ་འཇིག་དུས་ཀྱི། །རླུང་གིས་ཆེར་གཡེངས་གཅིག་གྱུར་རྒྱ་མཚོ་ཡིས། །གཉའ་ཤིང་བུ་གར་ལོ་བརྒྱ་ནས་འཐོན་པའི། །རུས་སྦལ་མགྲིན་པ་ཆུད་ལྟར་མི་རྙེད དཀའ།།སྔར་བཤད་ལས་ལྟོས་ལྷག་པར་ཁྱད་པར་དུ། །དེ་དེ་རིམ་པ་རིམ་པས་རྙེད་པར་དཀའ། །དེ་ཕྱིར་དལ་འབྱོར་རིན་ཆེན་ལེགས་རྙེད་པ། །མི་ཡི་ལུས་ཀྱི་སྐྱེས་བུའི་དོན་བསྒྲུབས་ཏེ། །གལ་ཏེ་འདི་ལ་ཕན་པ་མ་བསམས་ན། །ཕྱིས་ནི་གསུངས་པའི་དལ་འབྱོར་ག་ལ་རྙེད། །བླ་མའི་བཀའ་ ལུང་རང་གི་རིགས་པ་ཡིས།།བློ་དང་ལྡན་པས་བརྟག་ཅིང་དཔྱད་པར་བྱ། །འདི་ནི་རྒྱལ་བའི་ལམ་ལ་འཇུག་པ་ལས་དལ་འབྱོར་རྙེད་པར་དཀའ་བ་བརྒྱུད་པའི་རིམ་པའི་ལེའུ་སྟེ་གཉིས་པའོ།

译者嘉波华翻译。
